लोकं फक्त Product नाही, तर.. त्यामागची गोष्ट विकत घेत असतात.

प्राचीन काळी, एका दुर्गम गावात सदाशिव नावाचा एक साधा पण कष्टाळू तरुण राहायचा. त्या गावात पिण्याच्या पाण्याची फार मोठी समस्या होती. पावसाळ्यात जमेल तेवढे पाणी जमा व्हायचे, पण उन्हाळ्यात विहिरी कोरड्या पडायच्या आणि लोकांना दूरवरच्या नद्यांवर अवलंबून राहावे लागे. यामुळे अनेकदा गावातील लोक आजारी पडत, विशेषतः लहान मुलांना त्रास होत असे.

सदाशिवच्या मनात हे पाहून खूप दुःख होई. तो अनेक दिवस विचार करत राहिला की यावर उपाय काय? एक दिवस त्याला आठवले की त्याच्या आजोबांनी त्याला एका विशिष्ट प्रकारच्या दगडांबद्दल सांगितले होते, जे पाणी शुद्ध करतात आणि थंड ठेवतात. हे दगड गावाजवळील एका डोंगरावर सापडतात असेही त्याला आठवले.

सदाशिवने निश्चय केला. त्याने अनेक दिवसांच्या अथक प्रयत्नांनी ते दगड शोधून काढले. सुरुवातीला त्याने एका मोठ्या मातीच्या रांजणात हे दगड ठेवून पाणी शुद्ध करण्याचा प्रयोग केला. काही दिवसांतच त्याला जाणवले की पाणी केवळ शुद्धच नाही, तर ते नैसर्गिकरित्या थंड आणि गोड लागत आहे.

सदाशिवने हे दगड वापरून पाणी शुद्ध करण्याचे तंत्र शिकले. ह्याचा वापर करून गावातील प्रत्येक घरात शुद्ध पाणी पोहोचवण्याचा व्यवसाय त्यानी चालू केला. हळूहळू प्रत्येक घरात शुद्ध पाणी उपलब्ध होऊ लागले. पण पुढे त्याला जाणवले की...